ឥណ្ឌូណេស៊ី បង្កើតប្រវត្តិសាស្ត្រដំបូងឡើងវគ្គ ៨ ក្រុមចុងក្រោយ AFC U23 ខណៈវៀតណាម និងថៃក៏ល្អ
football
ក្រុមបាល់ទាត់អាយុក្រោម២៣ឆ្នាំតំបន់អាស៊ាន៣គឺ ឥណ្ឌូណេស៊ី វៀតណាម និង ថៃ កំពុងធ្វើបានល្អក្នុងពានរង្វាន់ AFC U23 Asian Cup ឆ្នាំ២០២៤ ប៉ុន្តែក្រុមម៉ាឡេស៊ីបានធ្លាក់មុនគេត្រឹមវគ្គសន្សំពិន្ទុក្នុងពូល។
វៀតណាម និងឥណ្ឌូណេស៊ី បានកក់កៅឡើងទៅកាន់វគ្គ៨ក្រុមចុងក្រោយនៃពានរង្វាន់ AFC U23 Asian Cup រួចហើយ។ ឥណ្ឌូណេស៊ី បានបង្កើតប្រវត្តិសាស្ត្រជាលើកដំបូងក្នុងការឡើងដល់វគ្គ៨ក្រុមចុងក្រោយ ដោយបានទម្លាក់ក្រុមខ្លាំងក្នុងពូលជាមួយគ្នាគឺ អូស្ត្រាលី ត្រឹមវគ្គសន្សំពិន្ទុក្នុងពូល។ ឆ្លងកាត់៣ប្រកួត ឥណ្ឌូណេស៊ី រកបាន៦ពិន្ទុ បន្ទាប់ពីឈ្នះអូស្ត្រាលី ១-០ និងឈ្នះ ហ្សកដានី ៤-១ ប៉ុន្តែចាញ់ម្ចាស់ផ្ទះកាតារ ០-២ ថ្ងៃបើកឆាក។
ចំណែកវៀតណាម ឆ្លងកាត់២ប្រកួតគឺឈ្នះទាំង២ប្រកួត ក្នុងនោះឈ្នះគុយវែត ៣-១ និងឈ្នះ ម៉ាឡេស៊ី ២-០។ ការប្រកួតសន្សំពិន្ទុក្នុងពូលចុងក្រោយ ប៉ះ ក្រុមអ៊ូបេគីស្ថាន ដើម្បីប្រជែងតំណែងកំពូលតារាង។ ម៉ាឡេស៊ី ដែលបានចាញ់ អ៊ូបេគីស្ថាន ០-២ និងចាញ់ វៀតណាម ០-២ អស់ឱកាសហើយ ទោះការប្រកួតចុងក្រោយជាមួយគុយវែតលទ្ធផលយ៉ាងណាក៏ដោយ។
ចំពោះ ក្រុមយុវជនថៃវិញបានឈ្នះក្រុមអ៉ីរ៉ាក់ ២-០ និងចាញ់អារ៉ាប៊ីសាអ៊ូឌីត ០-៥ ដើម្បីមាន៣ពិន្ទុឈរលេខ២ក្នុងពូល C ដូច្នេះថៃមានសង្ឃឹមច្រើនក្នុងការឡើងទៅកាន់វគ្គ៨ក្រុមចុងក្រោយ ដោយសារការប្រកួតសន្សំពិន្ទុក្នុងពូលចុងក្រោយប៉ះក្រុមបាតតារាង តាគីជីស្ថាន នៅទី២២ ខែមេសា ឆ្នាំ២០២៤។
រហូតដល់ពេលនេះ ការប្រកួត AFC U23 Asian Cup រកឃើញ៧ក្រុមឡើងវគ្គ៨ក្រុមចុងក្រោយហើយគឺ កាតារ ឥណ្ឌូណេស៊ី កូរ៉េខាងត្បូង ជប៉ុន អារ៉ាប៊ីសាអ៊ូឌីត អ៊ូបេគីស្ថាន និងវៀតណាម។ មួយក្រុមទៀតនឹងសម្រេចនៅក្នុងពូល C រវាង ថៃ និង អ៉ីរ៉ាក់ ដោយក្រុមទាំងពីរកំពុងមាន៣ពិន្ទុដូចគ្នា។អានពត៌មានប្រចាំថ្ងៃ
ความคิดเห็น
แสดงความคิดเห็น